每年書展後，是我重新定立一年大計的時候。今年主要目標是好好進修佛學。

一直對「唯識學」感興趣，八年前曾上過數堂，但當時對我來說太艱深，根本跟不上。多年後，感理解能力已成熟，卻無緣報讀；今年因緣成熟，一定要把握將之讀好。

今天，化行妝，打扮得靚靚去報名，只為了先去拍張証件相做學生証。誰知工作遇上阻滯搞到亂龍，之後竟然把畢業證書及入學申請表，遺留在朋友公司那裡；幸而負責人說申請表可即場填，證書可後補，於是決定放工影完靚相再去報名。

天有不測之風；放工時仲涼風送爽，點知行到一半竟然落狗屎。我日日帶遮，今日啱啱無帶一日就出事，咁都唔放過我！？

無路可避的我，全身濕透，企在路邊諗，在眾多愛情小說中，這個場景正是男主角出現的時刻；紙盒藏屍案嘅男主角歐陽炳強，都係呢一幕同佢老婆相遇，結下孽緣！如果有人遮我一程，不論男女我都會以身相許……好喇！發夠夢啦！萝醒時，我個妝已溶晒，今日仲要著件衫鬼咁薄，濕身後成隻肉人仔咁，仲影乜靚相！唯為回家；返到屋企仲要畀阿爸話身世似足去拍鹹片咁。

每次，當要做些我認為好重要事時，總係咁蝦碌！次次搞得好清楚，都係一波三折，最邪係，當我一登上歸家的巴士，竟然停晒雨，真係無言囉！但說來都係自己衰，成日失憶，今年一定要搣甩這些不良漏習。