我沒兄弟姊妹，父母忙於工作，小時候一直交人託管，直至小學開始由一位鄰居照顧飲食，大多數時間獨留在家中。媽媽嚴禁我落街，活動範圍只得家及天台。
我習慣了自娛，在可活動範圍找些會郁的東西來搞，昆蟲是我的首選，但在我活動範圍以內的生物，都有機會遭殃。
到Queenie家探望她的寵物，發覺原來蜥蝪也很可愛。牠們分別是榴槤、波波、球網蛇Rubber，還有狗朋友肥雞。Queenie原來也是獨生女，童年一樣由寵物陪著長大哩！
(閱讀全文)
爸爸的同學Uncle King獨居多年，很是寂寞，６年前，好友送了隻豬給他。當然是貪平在深圳買回來啦，結果被指是迷你豬的意意，愈變愈大，成了一隻中型肥豬。
Uncle King沒有像「飛天朱」那樣，因為隻豬太大而把牠送到酒樓寄養，也沒有把它丟到元朗豬場，他對意意仍然十分愛鍚，每天都會落街放豬，惹來途人圍觀；後來，因為身型太大，只好養在天台。早幾年，意意失蹄碌落樓，從此不敢再落樓，以天台為家。
此豬好愛清潔，一天要Uncle King為牠沖兩次涼；而牠竟然唔貪吃，只會吃主人餵的食物，早上只吃三個蘋果，一磅排包，中午吃餅乾及蘋果，晚上則吃狗糧。不過，牠會揀嘢食，包只吃東海棠的出品，美心的南瓜包是次選，餅則一定要太平出品，四洲都唔會吼。
Uncle King說，原來打算退休後搬細屋，但為了意意打消念頭，最主要是，香港法例不準養豬做寵物，他怕新鄰居不接受告發他；如果不能養意意，或者要劏咗佢，他是寧死不屈。非常有責任心的主人啊！
爸爸及媽媽及一眾同學，非常不能接受意意，媽媽覺得好唔衛生，爸爸覺得愛上豬是匪夷所思。在我苦苦哀求下才肯交出Uncle King的電話，等我有機會同隻豬玩一餐，但之前同我約法三章：「阿女，你玩得開心都唔好鍚隻豬。」
知女莫約母，但我唔會咁快同隻豬混熟啦。不過，我第一次同豬近距離接觸，真係好興奮。當時佢真係成隻死豬咁攤在天台，我就即時失控！
意意不但一點臭味都無，四隻豬蹄仲好細，紮咗腳咁款，又好似著咗豆零踭咁，我一見佢就大叫：「嘩！老佛爺吉祥！」但佢好似好不滿我咁，Uncle King說因為我吵醒佢喎。
然而，牠的樣子真係太搞笑了，令我好想騎下佢，點知因此惹怒了牠，畀佢一聲豬叫，真係嚇死人！
Uncle King說，意意好man，接受唔到畀女騎。我只好說sorry囉！而他更幫我求情說：「姐姐同你玩吓啫，唔好咁小氣啦。」
搞完一大輪，過程好似去問米咁，靈幻過怪談中的司徒法正師博──隻豬瞓在地上，Uncle King就不斷同佢溝通，之後忽然對我說：「大家言和啦……意意佢已原諒咗你啦。」
「吓……係真唔係呀？」
「你原諒姐姐就擺下尾巴，同佢講個哈佬啦。」
「ngngng........」意意真係搖尾，但實在係咪講緊粗口呢？我真係唔知喇。
不過，從後來大家溫馨的合照看來，我們已破冰啦！Uncle King約我到他家BBQ，但話明一定不能吃豬肉，這個，我當然識做啦。
在這趟玩豬體驗中，我才知道，原來豬的眼睛跟人十分似，跟狗狗及貓貓的眼不同，牠的眼神複雜，好沉鬱，像會說話，感覺，真係有啲嘢！
今天跟朋友說起近況，談了不少好笑事，他叫我寫下，可是工作太忙無法記錄，我答應明天開始抽出時間。
今天大家談話重點是舊聞「活塞男」。
當天，此新聞一出，全公司都笑爆咀，早前壹仔再跟進，大家仍看得津津有味。
我為此事，與吳敏倫教授淺談了一會，有所得著。
一直以來，啤啤極尊敬吳教授，認為他觀點獨到，視野廣闊。公開談性問題的人不少，但許多嘩眾取寵，為求語出驚人，更多的是老土沉悶；吳教授則不同，他的觀點有實質論據，是經過長期的臨床研究，如果你能放開心扉去聽，總得深思的機會。
只可惜，傳媒的報道中，每每都將他的意見斬頭斬尾，出街部份驚人精采，但完全不是他想表達的那回事；令很多女士覺得他低俗鹹濕，真可惜！
究竟吳教授怎樣看「活塞男」？啤啤試記錄下。
